Í maí verður haldið sérstakt Spey kastnámskeið fyrir lengra komna. Námskeiðið er tvískipt og fer fram eitt kvöld á grasi og eitt kvöld á vatni. Námskeiðið er bæði fyrir ein- og tvíhendur og er hámarksfjöldi þátttakenda 5 manns. Byrjað verður á að fara í tilgang og eðlisfræðina á bakvið Spey köstin. Veltikastið verður fullkomnað og síðan farið í að læra Circle C, Snake Roll, Double Spey, Single Spey, Snap C, Snap T og Perry Poke. Kenndar verða aðferðir til að kasta yfir rétta og andstæða öxl og tiplað á muninum á Scandi og Skagit köstum.

Ef þú ert góð/ur að kasta flugu og langar að taka þína færni á næsta stig, þá er þetta námskeiðið fyrir þig. Dagsetningar námskeiðsins eru 23. og 24. maí kl 19:00-21:00 bæði kvöldin.

Mynd: Christopher Rownes FFI MCI

Fyrstu dagsetningar námskeiða eru komnar inná síðuna undir Dagsetningar. Byrjað verður á Grunnnámskeiðum eins og vaninn er og svo verða Framhaldsnámskeið auglýst síðar. Hámark 5 manns á hverju námskeiði. Skráning fer fram með því að senda póst á flugukast@gmail.com með nafni og símanúmeri. Sjáumst hress! 😀

Sumarið liðið enn á ný og fjöldi námskeiða að baki. Sumarið 2018 voru haldin námskeið frá lok apríl og fram í miðjan ágúst sem voru vel sótt sem endranær. Nú er veiðitímabilið senn á enda en ennþá er veitt í mörgum ám fram í október og því verður enn opið fyrir einkanámskeið ef óskað er eftir því.

Námskeiðin verða á sínum stað næsta sumar þar sem hægt verður að stíga sín fyrstu skref eða fullkomna kastið sem nær flugunni fyrir framan þann stóra.

Annars vill flugukast.is þakka öllum þeim sem komu á námskeið í sumar fyrir skemmtilegar stundir á flötinni og við vatnsbakkann.

Það eru 2 pláss laus á Grunnnámskeið miðvikudaginn 18. júlí nk. frá kl 19-21. Skráning með því að senda póst á flugukast@gmail.com

Nú hafa verið haldin Grunnnámskeið í hverri viku síðan í lok apríl og námskeiðin mælst vel fyrir sem endranær. Á næstu vikum verða engin fleiri flugukastnámskeið en munu hefjast aftur um miðjan júlí mánuð og þá munu fleiri Framhaldsnámskeið verða sett upp sem og tvíhendunámskeið. Fylgist með!

Nú er síðustu tvö Grunnnámskeiðin í bili nánast orðin full, það er eitt laust pláss þann 18. júní kl 19-21 og annað þann 21. júní kl 19-21.

Skráning með því að senda póst á flugukast@gmail.com. Fyrstur kemur fyrstur fær.

Vegna mikillar eftirspurnar verða sett upp tvö Grunnnámskeið í júní til viðbótar, þann 11. júní og 18. júní, kl 19-21. Skráning með því að senda póst á flugukast@gmail.com með nafni og símanúmeri þátttakenda.

Auka Grunnnámskeið hefur verið sett upp mánudaginn 4. júní kl 19-21. Skráning á flugukast@gmail.com.

Nú er orðið fullt á fyrstu fjögur Grunnnámskeiðin. Það eru enn pláss laus á Framhaldsnámskeið 1 þann 21. maí. Allir með góðan grunn í fluguköstum ættu erindi á það námskeið þar sem kennt er að kasta í vindi, skjóta línunni lengra út og farið betur í gegnum búnað og græjur við mismunandi aðstæður.