Í vetur mun ég bjóða upp á svokölluð hraðnámskeið í fluguköstum. Námskeiðin eru hönnuð fyrir hópa eða fyrirtæki og henta vel sem hópefli, sem viðburður í heilsuviku eða annað í þeim dúr.
Þau eru sett upp sem 30 mín kennsla fyrir allt að 10 manna hópa. Kennt er á MPR stangir eins og þær sem eru kynntar hér og er allur búnaður útvegaður fyrir hvert námskeið.
Markmið námskeiðsins er að geta kynnt þátttakendum fyrir fluguköstum á skemmtilegan og árangursríkan hátt á skömmum tíma. Farið er yfir grunntæknina og atriði kynnt sem koma sér vel í veiðinni eins og hittni, að leggja línuna vel á vatnið, veltikastið og margt fleira.
En fyrst og fremst er þetta námskeið þar sem listin að kasta flugu vel er fléttuð inní skemmtilegt hópefli fyrir fyrirtæki eða hópa af öllum stærðum og gerðum.
Fyrirspurnir má senda með því að fylla út eftirfarandi form eða hringja í síma 666-1990.
